《妖米升呢？》
唔好誤會，今日開po唔係想唱淡妖米（1810）喇，因為我要講既野其實已經講晒，再講我都驚人話我係咪收左錢、做打手。今日，我只係想同大家搞清楚一件事：就係恆指服務公司將妖米納入恆生綜合指數成為成分股，23號起生效，到底代表d咩？
首先，一定唔係代表入藍籌。第二，亦唔代表自動成為南下港股通既交易標的，即係吸北水既大媽愛股。個分別係，恆指公司按市值黎選股，只要公司响day1上市既市值响成個市既前10%（fyi， 1810既市值依家排全港第十）就可以獲納入綜合指數。
不過，你依家都只不過係獲得香港入境處放行咋，即係企緊响條羅湖橋上面，大陸開唔開門俾你入去呢？呢個完全係上交所（以我所知妖米就算入都係入滬港通而唔係深港通）既事，你李小加乜柒柒柒都無得出聲。而互聯互通只會响3月、9月做檢討。
即係話，就算阿爺揀你，最快都要等9月至通車。至於阿爺揀唔揀你呢？依家有兩個說法。說法一，阿爺連CDR都唔批就即係唔like你啦，咁仲點會俾大媽南下黎買你。說法二，阿爺唔開CDR既大門但係開番道小門俾你。我唔理解國情，兩樣唔知邊樣岩。...
See More
Search